Mongolian Code 1695

nigen jüyil. aliba alaqu yala-tu kümün-i qadaγalaju aldabasu qadaγalaγsan janggi-dur γurban yisün boda, funde bošuqu-dur qoyar yisün boda abuγad čola-yi inu ebdemü. baγ-a bošuqu-yi jaγun tasiγur, quyaγ-un kümün-i nayan tasiγur jančimu. [45a] alalγan-dur ese kürügsen yal-a-tu kümün-i qadaγalaju aldabasu janggi-dur qoyar yisün boda. funde bošuqu-dur nigen yisün boda abumu. baγ-a bošuqu-yi nayan tasiγur quyaγ-un kümün-i jiran tasiγur jančimu aldaγuluγsan yala-tu kümün-i köndelen kümün baribasu, janggi bošuqu-ača abuγsan yala-yin mal-i bariγsan kümün-dür öggümü. ese bariγdabasu yala-yin mal-i jasaγ-un vang noyad-tur öggümü.