Mongolian Code 1789

tngri-yin tedkügsen-ü qorin naimaduγar on-u ebül-ün dumdadu sar-a-dur jarliγ-i daγaju čirig-ün tuqai-yin sayid-ud sigükü yabudal-un yamun, γadaγadu mongγol-un törü-yi jasaqu yabudal-un yamun-u-luγ-a neyilejü kelelčeged ayiladqaju toγtaγaγsan qauli.

nigen jüil, tüsimel ba qaraču kümün nige, qoyar bolbaču olan bülüglegsen bolbaču mal-un jerge-yin yaγum-a-yi qolaγuγsan-i mal-un ejen bolbaču busu kümün bolbaču medeged nekeküi-dür qariγučqu kümün-i alaqu bolbasu kümün-i alaγsan terigün qulaγayiči-yi čabčiju alaqu yal-a torγaju, darui alaγtun. egün-ü em-e köbegüd ger, bаrаγ-a, mal-i keyisgejü jerge-yin kümün-dür ög. ded qulaγayiči-yi em-e köbegüd-i selte-ber emün-e-tü muji-dur čölegüljü sergeyilen sakiγči quyaγ-ud-tur boγul bolγ-a. ger, baraγ-a, mal-i inu keyisgejü jerge-yin kümün-dür ög. kümün-i qoor kibečü ükügsen ügei bolbasu terigülegsen qulaγayiči-yi čabčiju alaqu yal-a torγaju, gindan-dur qoriju küliy-e. ger, baraγ-a, mal-i keyisgejü jerge-yin kümün-dür ög. em-e köbegüd-i tür qariy-a-tu qusiγun-u γajar-tur qadaγalaγul. qoyin-a sigüküi-dür jerge-yi könggedkejü bey-e γaruγsan čаγ-tur em-e köbegüd-i selte-ber qunan, šandung-dur čölegüljü örtegen-dür tusiyaju jobaqu alban-dur yabuγuluγtun. busud-i ger, baraγ-a, mal, em-e köbegüd-i selte-ber qunan, šandung-dur čölegüljü örtegen-dür tusiyaju jobaqu alban-dur yabuγuluγtun.