Mongolian Code 1789

tngri-yin tedkügsen-ü γučin nigedüger on. jun-u terigün sar-a-dur ayiladqaγad nemejü oruγuluγsan anu.

nigen jüil, mongγolčuud yal-a qaldaju, šandung, qunan-dur čölegülügsen anu dakiju orγubasu, angqan udaγ-a nigen sar-a döngge emüsgejü fükiyan, kugüvang jerge-yin muji-dur negülgejü čölegül qoyaduγar udaγ-a qoyar sar-a döngge emüsgeju, jün-nan, küi-jeü, güvandüng, küvangsi jerge-yin masi qoladaki kijaγar-un maγu sürtei γajar-tur negülgejü čölegül γurban udaγ-a-dur kürbesü, γurban sar-a döngge emüsgeju, mön-kü ijaγur-un negülgejü čölegülügsen γajar-tur gedergü ilege, ijaγur taγan fükiyan kugüvang-dur čölegülügsen anu bolbasu orγuγsan udaγ-a-yi üjejü, masi qoladaki kijaγar-un maγu sürtei γajar-tur negülgejü čölegülküi-dür joγsu. mongγolčud alaqui-yi keltürigüljü, jerge baγuraγulju, čerig bolγan ilegeged jiγaγsan γajar-аčа orγuγad, bariju oluγsan-u qoyin-a sigüged maγu samaγun yabuγsan ügei bolbasu mön nigen adali nemejü negülgejü čölegül. basakü orγuγsan udaγ-a-yin toγ-a-yi ilγan, salγaju angqan udaγ-a qoyar sar-a, qoyaduγar udaγ-a γurban sar-a döngge emüsgeju bičig sibegtün. jiči aliba yalatu kümün-i čaγajin-iyar abačiγad, em-e köbegüd, tedüi čölegülbesü jokiqu anu bolbasu, jokis-i inu üjejü emüneki muji-yin sergeyilen saγuγsan γajar-tur čölegüljü čirig-ün arad-tur boγul bolγaγatun.