Mongolian Code 1789

tngri-yin tedkügsen-ü γučin jirγuduγar on. qabur-un terigün sar-a-dur biden-ü yabudal-un yamun-ača ayiladqaγad qalaju toγtaγaγsan qauli. nigen jüil, mongγol qan, čin vang, kiyün vang, siči-yin tayilγan-dur sula sayid nigen, degedü-yin kiy-a nigen, yabudal-un yamun-u janggi nigen γarγaju tayilγ-a, beyile, beyise, yengči-yin tayilγan-dur degedü-yin kiy-a nigen, yabudal-un yamun-u janggi nigen γarγaju tayilγ-a. ulus-un tüsiy-e güng, ulus-tur tusalaγči güng-ün tayilγan-dur yabudal-un yamun-u janggi nigen γarγaju tayilγ-a. jasaγ -un terigün jerge tayiji, tabunang önggerebesü, tayiqu ba ülü tayiqu-yin učir jarliγ-i γuyun ayiladqaqui-yi kereglekü ügei suγud-iyar tayiqui-yi baγilγ-a. ulus-un efü-yin tayilγan-dur kiyün vang-un yosuγar tayilγ-a. qosui güngjü-yin qosui efü-yin tayilγan-dur beyile, beyise-yin yosuγar tayilγ-a, qosui gege-yin qosui efü, törü-yin gege-yin törü-yin efü, qusiγun-u gege-yin qusiγun-u efü-yin tayilγan-dur čöm güng-ün yosuγar tayilγ-a γadaγadu mongγol-dur öggügsen ulus-un güngjü-yin tayilγan-dur dotuγadu sayid, degedü-yin kiy-a, yabudal-un yamun-u janggi-yi nijeged γarγaju tayilγ-a, qosui güngjü-yin tayilγan-dur čin vang-un yosuγar tayily-a, qosui gege-yin tayilγan-dur beyile, beyise-yin yosuγar tayilγ-a. kiyün vang-un ükin, köbegün törü-yin gege, beyile-yin ükin, köbegün, törü-yin gege, qusiγun-u gege, güng-ün ükin, köbegün, gege-yin tayilγan-dur čöm güng-ün yosuγar tayilγ-a.čin vang-un qatun-u tayilγan-dur beyile-yin yosuγar tayilγ-a, kiyün vang. beyile, beyise-yin qatud, güng-ün gerged-ün önggerebesü jarliγ -i γuyun ayiladq-a. aliba tayiqui-dur kereglekü yaγum-a jüyil-i mön-kü qaγučin qauli yosuγar qosui čin vang-dur nigen biraγu, naiman qoni, ariki yisün longqu, čaγasu nigen tümen qaγudasun, törü-yin kiyün vang-dur nigen biraγu, jirγuγan qoni, ariki doluγan longqu, čaγasu naiman mingγan qaγudasun, törü-yin beyile-dür nigen biraγu, dörben qoni, ariki tabun longqu, čaγasu jirγuγan mingγan qaγudasun, qusiγun-u beyise-dür tabun qoni, ariki tabun longqu, čaγasu tabun mingγan qaγudasun, ulus-un tüsiy-e güng-dür dörben qoni, ariki dörben longqu, čaγasu dörben mingγan qaγudasun, ulus-tur tusalaγči güng-dür dörben qoni, ariki dörben longqu, čaγasu γurban mingγan qaγudasun čöm dotuγadu yamun-ača manju mongγol üge-ber tayiqu bičig bičijü abču eči γadaγadu mongγol-dur öggügsen ulus-un güngjü-dür nigen biraγu, naiman qoni, ariki yisün longqu, čaγasu nigen tümen qaγudasun, qosui güngjü, qosui gege, čin vang-un yeke qatan-dur nigen biraγu, jirγuγan qoni, ariki doluγan longqu, čaγasu naiman mingγan qaγudasun, törü-yin kiyün vang-un yeke qatun-dur tabun qoni, ariki tabun longqu, čaγasu jirγuγan mingγan qaγudasun čöm dotuγadu yamun-ača manju, mongγol üge-ber tayiqu bičig bičijü abču eči törü-yin beyile-yin ükin, köbegün, törü-yin gege, beyile-yin qatun-dur γurban qoni, ariki γurban longqu, čaγasu tabun mingγan qaγudasun, qusiγun-u gege, qusiγun-u beyise-yin qatun-dur qoyar qoni, ariki qoyar longqu, čaγasu dörben mingγan qaγudasun, güng-ün ükin, köbegün, gege, güng-ün qatud-tur qoyar qoni, ariki qoyar longqu, čaγasu yurban mingγan qaγudasun öggümü. tayiqu bičig ülü öggümü, ene kesig kürtegül-ün sayid jaruju, tayiqu bičig-i kegür-ün dergede abču odqui-dur tegün-ü aq-a nar degüner, qariy-a-tu tüsimed-i abju, bumba-ača nigen ber-e-yin tedüi γajar-a uγtuju, sögüdjü önggeregüliged, qoyin-a-ača daγaju orumu. tayiqu bičig daγudaqu ba ariki dusaγaqui-dur čoγlaγsan olan bügüde čöm sögüdümü. bičig daγudaju ariki dusaγaju baraγsan-u qoyin-a bosumu. tayiqu yosun baraγsan-u qoyin-a jarliγ-iyar oduγsan sayid-i toγtaγsan γajar-tur kürtel-e üdejü ireged kesig kürtegülügsen yosuγar degedü-yin jüg γurban üy-e sögüdejü, yisün üy-e mörgümü.