Mongolian Code 1789

nigen jüil, aliba kümün blam-a bandi nar-i erijü ebedčin jasaγulsuγai, nom, bičig ungsiγulsuγai kemebesü jakiruγsan terigün blam-a nar-tur učir-i kelejü abču odtuγai. qoyin-a mön-kü abču oduγsan kümün gedergü kürgeged terigün blam-a nar-tur tusiyaju ögtüge i blam-a, bandi nar oduγsan gerte qonuqu ba terigün blam-a-dur medegülül üge i joriγ-iyar yabuqu ba blam-a nar-i abču odqu kümün terigün blam-a-dur kelekü ügei abču odqu ba gerte qonuγulqu bolbasu joriγ-iyar yabuγsan qonuγsan blam-a bandi-ača γurbaγad yisün mal torγaju jasaγ-tur absuγai. joriγ-iyar abču oduγsan kümün-i qariy-a-tu yabudal-un yamun-dur tusiyan yalalaγulsuγai. er-e ügei ekener-ün gerte qonubasu sakil-i inu ebdeged jaγun tasiγurdasuγai γadaγadu em-e bolbasu mön-kü jaγun tasiγurdasuγai. toduγadu em-e bolbasu qariy-a-tu yabudal-un yamun-dur tusiyan ögčü yalalaγulsuγai. čibaγanča-luγ-a yabuldubasu čibaγanča-yin sakil-i ebdeged jaγun tasiγurdasuγai. qariy-a-tu jakiruγči terigün blam-a nar-ača γurbaγad yisün, jasaγ blam-a nar-ača qusiyaγad yisün, demči ner-eče nijeged yisün mal torγaju jasaγ-tur absuγai. blam-a nar-un saγuγsan gerte ekener-i qalγabasu terigün blam-a bolbasu qoyar yisün mal, demči ner bolbasu nigen yisün mal, gelüng, bandi nar bolbasu tabuγad mal-iyar torγaju mal-i jasaγ-tur absuγai. mügden, siregetü küriy-e, köke qota γadaγadu döčen yisün qusiγun-dur aγči blam-a nar alban kürgejü irebečü nom gürem ungsir-a, ebedčin jasaju yabubaču öber öber-ün jakirqu terigün blam-a nar qariy-a-tu qusiγu-yi jakirqu vang, noyad-tur medegüljü edür bolγuγad yabutuγai.