Mongolian Code 1789

nigen jüil, dotuγadu, γadaγadu olan jasaγ-un mongγolčud quyaγ duγulγ-a, numu sumu, čirig-ün jer jebseg-i orus ba ögeled, qotung-ud-tur büü qudalduju ög. qolaγuju qudaldun ögkü ba basa törül uruγ-tur ögküi inu bariγdaqu ba esebesü kümün bariju gerečilebesü jasaγ ba jasaγ busu vang, beyile beyise. güng, jasaγ-un tayiji, tabunang-ud bolbasu nijeged jil-ün fünglü tasul. fünglü ügei tayiji tabunang-ud bolbasu tabin aduγu-bar torγ-a. qaraču kümün bolbasu terigülegsen kümün-i köbčidejü ala. gindan-dur qoriju küliyegtün. ger mal inu keyisge. ded kümün-i jaγuγad tasiγur jančiju, γurbaγad yisün boda ab. keyiskegsen ger mal abuγsan yal-a-yin mal-i čöm bariγsan gerečilegsen kümün-dür šangnaγtun. boγul kümün öber-ün ejen-iyen gerečilebesü gereči-yi tegün-ü ejen-eče inu γarγaγtun.