tngri-yin tedkügsen-ü tabin nigedüger on, jun-u terigün sar-a-yin qorin qoyar-a, čirig-ün tuqai-yin γajar-un sayid-ud sigükü yabudal-un yamun γadaγadu mongγul-un törü-yi jasaqu yabudal-un yamun-luγ-a qamtu neyilejü kelelčeged dakiju ayiladqaju toγtaγaγsan qauli.
nigen jüil, egüeče uruγsi alimad sin-e oruju iregsen torγud, dörbed, ögeled, qoošud, qoyid, uriyangqai terigüten mongγulčud mori, üker, temege-yi qolaγuγad mal-un toγ-a arban-dur kürbesü terigün des-i bodul ügegüy-e čöm köbčiden alaqu yal-a toγtaγad, gindan-dur qoriγad küliyelgejü, namur-un sigükü čаγ-tur čöm siltaγan ünen-dür bolγaγtun. nigen, qoyar mal-ača yisün mal-dur kürügsen anu bolbasu mön-kü urid qalaγad toγtaγaγsan qauli yosuγar terigün des-i bodul ügegüy-e ilγan salγaju čölegtün. qoni bolbasu mön-kü dörben qoni-yi nigen mal bolγaju yal-a torγaγtun. qorin ülegüü jil boluγsan-u qoyin-a basa jarliγ-i γuyuju edüge toγtaγaγsan olan čöken-i ilγan, salγaju qauli yosuγar sidkegtün.
