Mongolian Code 1789

nigen jüil, aliba jasaγ ba jasaγ busu vang, noyad busu qusiγun-u kümün-i jorimaγ-iyar alaqu ba ösiyelejü alaqu ba araγ-a-bar alaqu ba ügesejü alaqu bolbasu alaγsan kümün-ü kiri-ber oru kümün tölügülüged vang-ud bolbasu jaγun aduγu, beyile, beyise, güng-üd bolbasu dalan aduγu, tayiji, tabunang-ud bolbasu, tabin aduγu torγaju abuγad, alaγdaγsan kümün-ü em-e köbegüd-tür öggügtün. qaraču kümün bolbasu terigülegči kümün-i čabčiju alaqu yal-a-dur torγaγad gindan-dur qoriju küliyegtün. ded boluγad küčün tusalaγsan kümün-i köbčidejü alaqu bolγaγad gindan-dur qoriju küleyegtün. eden-ü ger, mal-i keyisgeged alaγdaγsan kümün-ü em-e, köbegüd-tür öggügtün. küčün tusalaγsan ügei kümün-i em-e, köbegüd ba ger, mal-i qamtu-bar ayil-un čiγulγan-u terigülegči-dür kürgejü alban-u kereg-tür jidkügsen tayiji nar-tur boγul bolγaju šangnaγtun.