Mongolian Code 1789

nigen jüil, aliba bosqaγul-i neker-e oduγsan kümün terigülejü orγuγsan kümün-i alabasu tegün-ü olja ba ülegsen erüke, mal-i čöm neker-e oduγsan kümün abtuγai bosqaγul inu busud-un morin-i abču orγubasu neker-e oduγsan kümün qaγaslaju abtuγai, terigülejü orγuγsan kümün-i γarγabasu, tegün-ü olja-yi neker-e oduγsan kümün-dür ülü öggümü. bosqaγul-un ejen abtuγai bosqaγul inu busud-un gergei morin-i abču orγubasu, orγuγsan kümün-ü keüked, gergei, erüke, mal bui bögesü orun-i tölüjü ab. orγuγsan kümün-ü ger-tür yaγum-a ügei bolbasu öber tölügülümü, ger-ün boγul bolbasu tegün-dür yaγum-a bui bögesü tölüjü yaγum-a ügei bolbasu ejen-eče inu ču basa ülü abumu.